عبد الفتاح ناصحًا النظام: الشباب في السجون مش هيقعدوا مع علي علوكة

طالب الدكتور معتز بالله عبد الفتاح، أستاذ العلوم السياسية، الدولة، بضرورة احتواء الشباب، لا سيما المحبوسين منهم، وضرورة فصلهم عن السجناء الجنائيين، ومن أسماهم "الإرهابيين".




وخلال لقائه بفضائية "النهار” مع الإعلامي محمود سعد، قال عبد الفتاح: “الشاب من دول بيدخل السجن، هيقابل مجرم أو إرهابي محترف أو متطرف، يعني مش هيقابل علي علوكة ولا هيبقى طيار".




وأضاف أنه من الضروري عزل الشباب في عنابر خاصة، وتوجيه معاملة لائقة لهم، ومنحهم جلسات مع متخصصين في الدين وعلم النفس، فضلاً عن أحقيتهم في استكمال دراستهم، على النحو الذي يعيدهم إلى المجتمع أسوياء.




وأوضح عبد الفتاح: “الشباب مستمر في حياته معنا، وإحنا مش هنعرف نعدمه، وإحنا مش عاوزين نعدم حد، لكن الشباب دول واقعين في حجرنا وهيكونوا جزء من المجتمع بعد فترة، فياريت نشتغل علشان نستوعب وبلاش نخلق عدو لنا من داخلنا، علشان نلغي التطرف، ونوفر جوًا أكثر اعتدالاً، ولو مش هنعمل كده يبقى بلاش يطلعوا أفضل، لأننا كده بنعمل قنابل، خاصة إن السجون مش تهذيب وإصلاح دي تدمير وإفساد".